2020-03-30/2020-04-03 plana LH 4,5,6.maila

GORPUTZ HEZKUNTZAKO PLANGINTZA            (2020-03-30 / 2020-04-03)
ASTELEHENA Dantza eta Luzaketak	·      HIP HOP: (erderaz)  - hip-hop bideoa ·      ZUNBA: (euskaraz): - zunba bideoa ·      LUZAKETAK: Saioa amaitzeko luzaketa batzuk egin ditzakezue gorputza lasaitzeko eta giharrak hobeto errekuperatzeko.     - luzaketak bideoa
ASTEARTEA Material birziklatuekin jolasak	·      TREBETASUN JOLASAK KARTOIEKIN: Materiala: -Kartoiak -Kanikak edo pilotatxoak       trebetasun jolasa bideoa
ASTEAZKENA Gorputz adierazpena	·      MIMIKA: Binaka edo talde txikian egitekoak izango dira. Txandaka, batek hitz bat aukeratu behar du edo zozketa bidez egokitzen zaiona hartu eta gainontzekoei, HITZIK ETA SOINURIK EGIN GABE, zein hitz egokitu zaion azaldu behar die keinu edo mugimenduen bidez. Adibidez; Lorea, karpeta, kamioia, itsasoa, etxea, mendia, animaliak…. Animo eta zuen artean beste hainbat hitz pentsa edo asma ditzakezue.
OSTEGUNA Desafioak/Erronkak	·      KOMUNEKO PAPERAREKIN ERRONKA:      komuneko papera erronka bideoa ·      ZAPATILAREN ERRONKA:      zapatilaren erronka bideoa
OSTIRALA Bilaketa jolasak Eta Orientazioa	·      ORIENTAZIO FROGA ETXEAN: Hasteko, esan beharra dago “orientazioa” kirol bat dela. Mapa baten irakurketa eta iparrorratzaren laguntzaz, ingurune fisikoan zehar norbere kokapena ezagutuz eta toki zehatz batzuk bilatuz, desplazamendu bat egitean datza. Mapa zehatz baten laguntzarekin egiten da eta natur zein hirigunetan burutzen da. Orientazio kirolaren berezitasun nabariena alor fisiko eta mentalaren uztarketa dela esan daiteke. NON nago?, NORA noa?, NONDIK joan? eta NOLA egin?, dira parte hartzaileari sortzen zaizkion galderak eta hauei erantzun egokiena eman behar zaie. Hau guztia, etxean gauden egun hauetan ere egin dezakegu. Mapa, guk sortuko dugu, hau da, norberak bere etxeko mapa marraztuz.   Mapa egina dugunean “balizak” kokatzeko momentua da. Balizak puntuan markatuko ditugun puntuak dira eta hauetako bakoitzean “zerbait” egongo da. Baliza bakoitzean zer dagoen, ezkutatu duenak bakarrik jakingo du. Zer egon daiteke balizetan? Herrien, ibaien edo mendien izenak; zenbakiak; koloreak; eragiketa matematikoak; familiakoen izenak; asmakizunak ...bururatzen zaizuena. Demagun herrien izenak jartzen dituzuela. Taulatxo batean idatzi beharko dugu baliza zenbakia eta bakoitzean jarri dugu herria: Baliza Herriak 1 Oiartzun 2 Gasteiz 3 Oñati 4 Mutriku 5 Elizondo Horrela, baliza bakoitzean, Baliza zenbakia eta herria idatzita duen papera jarriko dugu. Eta paper hau, mapan baliza zenbaki hori kokatu dugun tokian jarriko dugu. Gauza bera egingo dugun jarriko ditugun baliza guztiekin. Froga egiten dutenek, bakoitzak mapa bat izango du. Baita paper bat ere baliza bakoitzean zein herri dagoen idazteko. Balizak markatutako ordenean bilatu behar dira. Hasiera hiruki batekin markatuko dugu eta bukaera borobil bikoitz batekin. Hasierako mapa eskaneatu dezakezue eta horrela mapa berriak inprimatu daitezke eta hauetan ibilbideak markatu. Inprimatzeko erabilitako orriak erabili ditzazkezue. Ibilbideak osatzeko modu diferentetan egin dezakazue: banaka, binaka, binaka elkarri lotuta, atzeraka, saltoka, binaka txandaka (bat lehenengora joaten da eta hasierako tokia dator berriz, ondoren bigarrena bigarrenaren bila doa eta buelta, horrela denak aurkitu arte)... zuek ere pentsatu modu gehiago. Familian ere egin daiteke. Denon artean prestatu dezakezue froga, bakoitzak baliza kopuru bat kokatuz eta denonak mapa berdinean markatuz. Horrela, denak elkarrekin egin dezakezue. Jarduera honekin gozatuko duzuela espero dugu. Etxekoen artean mapa marraztu, balizak kokatu eta bilatzera!! ANIMATU ETA BIDALI ZUEN BIDEOAK!!! : igarcibr@zuhaizti.org

GOGORATU!!!:

Eskolan egindako saioak ikusteko eskolako BLOGa bisitatzeaz: GH BLOG